சாம்சன் இறப்பர் புரொடக்ட்ஸ் (பிரைவேட்) லிமிட்டெட்

DSI சாம்சன் குழுமத்தின் ஒரு உறுப்பு நிறுவனமான சாம்சன் இறப்பர் புரொடக்ட்ஸ் (பிரைவேட்) லிமிட்டெட், 1994 ஆம் ஆண்டில் ஸ்தாபிக்கப்பட்டதுடன், இலங்கையிலுள்ள ஒரு முன்னணி உற்பத்தி, சந்தைப்படுத்தல் மற்றும் சேவைகள் நிறுவனமாகவும் திகழ்ந்து வருகின்றது. உயர் தொழில்நுட்ப இயந்திரங்களுடன், முற்றிலும் உபகரணமயப்படுத்தப்பட்ட எமது தொழிற்சாலையில் உயர் திறமை கொண்ட அண்ணளவாக 300 தொழில்நுட்ப பணியாளர்களும், மற்றும் 50 முகாமைத்துவ, சந்தைப்படுத்தல் மற்றும் நிர்வாக பதவி நிலைகளிலுள்ள பணியாளர்களும் கடமையாற்றுகின்றனர். எமது பணியாளர்கள் மீது மேற்கொள்ளும் அதியுச்ச முதலீடு எமது இலக்குகளை அடைந்துகொள்வதற்கான சிறந்த வழி என நாம் நம்புகின்றோம். எமது வாடிக்கையாளர் உறவுமுறை மட்டங்களைப் பேணுவதில் எமது நிறுவனங்களின் வெற்றிக்கு அனைவரினதும் ஒன்றுபட்ட உழைப்பே தனித்துவமான சிறப்பம்சம்.

20 வருட அனுபவத்துடன் வார்ப்பட இறப்பர், EVA, நைலோன் மற்றும் பிளாஸ்திக் உற்பத்திகளின் ஏற்றுமதியில் நாமே முன்னோடிகள் என்பதையும் நிரூபித்துள்ளோம். பொருளாதார, சமூக மற்றும் சுற்றுச்சூழல் சார்ந்த முன்னெடுப்புக்களுடன், இறப்பர் மற்றும் பிளாஸ்திக் உற்பத்தியில் நவீன தொழில்நுட்பத்தின் துணையுடன் நிலைபேற்றியலுடனான அபிவிருத்திக்கு சாம்சன் இறப்பர் புரொடக்ட்ஸ் (பிரைவேட்) லிமிட்டெட் தன்னை தயாராக்கியுள்ளது. எமது வெற்றிகரமான சாதனைகளுக்கு அறிவு முகாமைத்துவம், புத்தாக்கம், தொடர்ச்சியான பயிற்சி, உற்பத்தித்திறன் மேம்பாடு, நிதியியல் துறை மற்றும் ISO 9001: 2008 தர முகாமைத்துவ முறைமையை மிகக் கவனமாகப் பின்பற்றுதல் ஆகியவற்றின் பங்களிப்பே மூலகாரணம்.